Hoggaamiyaha xisbiga Vänsterpartiet ee Sweden, Nooshi Dadgostar, ayaa markii ugu horaysay ka hadashay sababta ay hore uga gaabsatay wareysiyada ku saabsan eedeymaha la xiriira khaladaad ama wax-is-daba-marin doorasho oo looga shakisan yahay inay ka dhacday Dalarna.
Nooshi Dadgostar waxay xaqiijisay in arrintan ay tahay kiis gaar ah oo ku saabsan dad iyo xaalad u baahan in si rasmi ah loo baaro. Sida ay sheegtay, waxaa hadda la isku raacay in qofka ay arrintu khusayso waa {Mohamed Ali} uu muddo kooban ka maqnaandoono shaqada ama mas’uuliyadda uu hayo, inta baaritaanka lagu guda jiro.
Markii la weydiiyay in arrintani saameyn ku yeelan karto wada-hadallada xisbiyada ee lagu dhisayo dowladda cusub, Nooshi waxay ku adkaysatay in labada arrimood ay kala madax-bannaan yihiin, sidaa daraadeed wax saameyn ah aysan ku yeelan doonin dhismaha dowlada cusub.
Waxay tilmaantay in booliiska ay tahay inay marka hore caddeeyaan waxa dhab ahaan ka dhacay magaalada Borlänge iyo cidda ay mas’uuliyadda arrintaasi khusayso. Dhanka kale, waxay sheegtay in Vänsterpartiet uu sii wadi doono dadaalkiisa siyaasadeed ee ku aaddan sidii Sweden loogu samayn lahaa jihayn cusub oo siyaasadeed.
Hadalka Nooshi Dadgostar wuxuu muujinayaa in xisbigu doonayo in baaritaanka kiiska Dalarna loo daayo hay’adaha ku shaqada leh, iyadoo wada-shaqaynta siyaasadeed ee u dhexeeya xisbiyada garabka bidix ay ay sii soconayso.
