Shirkada ku caan baxday cuntada laga dalbaddo internetka ee Foodora ayaa shalay macamiisheeda ku nool magaalda Stockholm ee casumada Sweden, ku war galisay in hada wixii ka dambeeya cuntada ay dalbadaan uu u keeni doono Robot.
Shirkadu waxay sheegtay in ay diyaarisay 15 Robot ku waas oo ka shaqayn doona bartamaha magaalada Stockholm waxayna cuntada gaar siin doonaan macamiisha soo dalbata, iyagoo badali doona dadkii horay uga shaqaynsan jiray gaynta Cuntada {Food delivery}.
Daniel Gustafsson oo ah Madaxa Howlaha Foodora ee Sweden oo shir saxafadeed qabtay ayaa yiri “15 kan Robot ayaa waxay si toosa uga shaqo bilaabayaan Xafada Södermalm ee Koonfurta Stockholm, waxaana ku xigi doona xafadaha Solna iyo Sundbyberg” Daniel Gustafsson ayaa intaas ku daray inay farxad utahay in shirkadooda ay noqotay tii ugu horeysay ee Sweden ka howl galisa Robot yada noocan ah.
Robotyadan casriga ah waxaa sameeyay shirkada Starship Technologies, waxaana la sheegay inay ka shaqayn karaan 3 kilomitir wakhti xaadir kan balse lagu wado inay dhawaan garaan masaafo intaas ka dheer. Sidookale Robotyadan ayaa lagu qalabeeyay Kamarado iyo Dareemayaal u suurto galinaya inay si amaan ah ku maraan jidka.
Shirkada Foodora ayaa xafiis keeda ugu weyn ku leh magalada Barlin ee Jarmalka, waxayna ka howl gashaa magalooyin badan oo ku kala yaal wadamada Hungary,Awstariya,Iswiidhan,Norway iyo
Finland.