1. Artificial Intelligence (AI) – Caqli Macmal ah.
4
Sharaxaad: Caqliga macmal ah waa tiknoolajiyad awood u leh in kombiyuutar ama mashiin loo baro inuu qabto shaqooyin u baahan fikir iyo falanqayn sida qof bini’aadam ah. Tusaale ahaan, barnaamijyada aqoonsada codka, turjumaadda tooska ah, ama baabuurta iswada.
2. Software – Barnaamij
Sharaxaad: Software waa dhammaan barnaamijyada iyo amarrada ku shaqeeya qalabka elektarooniga ah. Iyaga ayaa u sheegaya kombiyuutarka waxa uu qabanayo, sida Microsoft Word ama app-ka bangiga.
3. Hardware – Qalab Kombiyuutar
Sharaxaad: Hardware waa qaybaha jirka ah ee Kombuyuutar kuwaas oo la taaban karo sida motherboard-ka, keyboard-ka, shaashadda iyo processor-ka.
4. Internet – Shabakadda Caalamiga ah
Sharaxaad: Internet-ku waa isku xirka malaayiin kombiyuutarro ah oo dunida ku kala yaalla, taas oo suurta gelisa isgaarsiin, cilmi baaris iyo ganacsi online ah.
5. Cybersecurity – Amniga Dijitaalka
Sharaxaad: Waa hababka iyo tallaabooyinka lagu ilaaliyo xogta iyo nidaamyada si looga hortago weerarro internet iyo jabsasho.
6. Cloud Computing – Kaydinta Daruuraha
Sharaxaad: Cloud computing waa adeeg kuu oggolaanaya inaad xog ku kaydsato serverro fog oo internet-ka ku xiran halkii aad ku kaydsan lahayd qalabkaaga oo keliya.
7. Database – Kayd Xogeed
Sharaxaad: Database waa meel nidaamsan oo xog lagu ururiyo laguna maamulo si sahlan loo heli karo loona cusboonaysiin karo.
8. Algorithm – Hab Xisaabeed
Sharaxaad: Algorithm waa tallaabooyin isdaba-joog ah oo lagu xalliyo dhibaato ama lagu gaaro natiijo gaar ah, sida sida Google u kala hormariyo natiijooyinka raadinta.
9. Blockchain – Silsilad Xogeed
Sharaxaad: Waa nidaam xog lagu diiwaangeliyo si isku xiran oo ammaan ah, badanaa loo adeegsado lacagaha dijitaalka ah sida crypto.
10. Virtual Reality (VR) – Xaqiiqo Dalwaddii ah
Sharaxaad: VR waa tiknoolajiyad qofka gelisa jawi macmal ah oo uu ku dareemo inuu dhab ahaan ku sugan yahay.
11. Augmented Reality (AR) – Xaqiiqo La Kordhiyey
Sharaxaad: AR waa marka xog dijitaal ah lagu dul daro muuqaalka dhabta ah sida app-yada muujinaya sawirro 3D ah marka kamarad la adeegsado.
12. Smartphone – Taleefan Casri ah
Sharaxaad: Waa taleefan leh awood kombiyuutar oo kuu oggolaanaya internet, sawir qaadis, iyo isticmaalka barnaamijyo kala duwan.
13. Operating System (OS) – Nidaamka Hawlgalka
Sharaxaad: Waa barnaamijka ugu muhiimsan ee maamula qalabka iyo software-ka kale, sida Windows ama Android.
14. Programming – Qorista Barnaamijyada
Sharaxaad: Programming waa habka lagu qoro kood si loo abuuro barnaamijyo iyo nidaamyo shaqeynaya.
15. Data – Xog
Sharaxaad: Xog waa macluumaad la ururiyey oo loo adeegsado falanqayn iyo go’aan qaadasho.
16. Server – Adeege Xogeed
Sharaxaad: Server waa kombiyuutar awood badan leh oo bixiya adeegyo iyo xog ay adeegsadaan kombiyuutarro kale.
17. Network – Shabakad
Sharaxaad: Network waa isku xirka qalab badan si ay xog isu dhaafsadaan.
18. Application (App) – Codsi
Sharaxaad: App waa barnaamij gaar ah oo loo sameeyey hawl cayiman sida WhatsApp ama Facebook.
19. Robotics – Tiknoolajiyadda Robot-yada
Sharaxaad: Robotics waa cilmiga sameynta iyo maamulidda robot-yo qabta shaqooyin kala duwan.
20. Automation – Iswada Shaqeyn
Sharaxaad: Automation waa marka shaqo lagu wareejiyo mashiin ama nidaam si uu si toos ah u qabto iyada oo aan faragelin badan oo bini’aadam loo baahnayn.