Shirkadda Google DeepMind ayaa soo saartay nooc cusub oo ka mid ah AI (Artificial Intelligence) loogu talagalay robots-ka, kaas oo loo bixiyay Gemini Robotics ER 2. Noocan cusub ayaa awood u leh inuu maamulo noocyo kala duwan oo robots ah, waxaana ku jira xitaa robots-ka u eg dadka (humanoid).
Tiknoolajiyaddan cusub waxay awood u leedahay inay fahanto muuqaalada video, la hadasho dadka, qorshayso shaqooyin ka kooban tallaabooyin badan, isla markaana hagto robots kala duwan iyadoo la adeegsanayo nidaamyada ay ku shaqeeyaan.
Mid ka mid ah waxyaabaha ugu muhiimsan ee lagu soo kordhiyay ayaa ah in robot-ku uu si joogto ah ula socon karo shaqada uu qabanayo isagoo falanqeynaya muuqaalka video ee uu arkayo. Taasi waxay u sahlaysaa inuu ogaado haddii uu qalad sameeyay, saxo khaladaadkaas, isla markaana fahmo marka uu hawl dhammeeyo.
Sidoo kale, Google waxay ku dartay awood u saamaxaysa robots badan inay wada shaqeeyaan. Robots-ku waxay is dhaafsan karaan xog, waxayna si wadajir ah u qaban karaan hawlo isku dhafan, taas oo kor u qaadaysa xawaaraha iyo tayada shaqada.
Gemini Robotics ER 2 hadda waxaa heli kara horumariyeyaasha (developers) iyada oo loo marayo Gemini API, Google AI Studio, iyo sidoo kale nooc tijaabo gaar ah (private preview) oo ku jira Gemini Enterprise Agent Platform.
Tiknoolajiyaddan cusub ayaa la filayaa inay door weyn ka qaadato horumarinta robots-ka casriga ah ee ka shaqayn kara warshadaha, caafimaadka, bakhaarada iyo meelo kale oo badan.