Google ayaa dhawaan ku dhawaaqday qorshe cusub oo loogu talagalay ardayda jaamacadaha, kaas oo lagu magacaabo Google AI Pro Plan (Trial for Students).
Qorshahan ayaa ah mid bilaash ah muddo hal sano ah, waxaana loogu talagalay in uu ardayda baro, fahamsiiyo, isla markaana u fududeeyo isticmaalka Artificial Intelligence (AI) iyo Machine Learning (ML) ee ay Google bixiso.
Ujeeddada ugu weyn ee barnaamijkan waa in ardayda jaamacadaha laga caawiyo inay helaan xirfado casri ah oo la xiriira AI iyo teknoolojiyadda, taasoo ka caawin doonta mustaqbalkooda shaqo iyo horumarinta hal-abuurka.
Ardayda heli doonta qorshahan ayaa awood u yeelan doonta ugu yaraan 3 fursadood oo kala ah:
- Inay isticmaalaan Google Cloud AI tools iyo Vertex AI bilaash ah mudo sanad ah.
- Inay helaan tababaro iyo casharro rasmi ah oo ay Google bixiso.
- Inay abuuraan, tijaabiyaan, una adeegsan karaan AI mashruucyo waxbarasho iyo cilmi baaris.
Muddada iyo Shuruudaha
Barnaamij kan bilaashka ah wuxuu soconayaa hal sano (12 bilood) laga bilaabo maalinta uu ardaygu is diiwaangasho.
Shuruuduhu waa in qofku arday jaamacadeed yahay da’diisuna ka weyn tahay 18 sano uuna ku nool yahay wadamada loo ogolaaday barnaamijkan. Arday kasta oo doonaya inuu ka qaybqaato waa inuu isdiiwaangeliyaa kahor 9-da Diseembar 2025.
Google AI Pro Plan (Student Trial) waxaa laga heli karaa ilaa iyo hada waddamada soo socda:
Argentina, Australia, Austria, Bangladesh, Belgium, Bolivia, Bulgaria, Canada, Chile, Czech Republic, Denmark, Dominican Republic, Ecuador, Egypt, El Salvador, Finland, France, Germany, Ghana, Greece, Guatemala, Hungary, Iraq, Israel, Italy, Jordan, Kenya, Malaysia, Mexico, Morocco, Netherlands, Nicaragua, Nigeria, Pakistan, Peru, Philippines, Poland, Portugal, Romania, Rwanda, Saudi Arabia, Singapore, South Africa, Spain, Sri Lanka, Sweden, Switzerland, Taiwan, Thailand, Turkey, Ukraine, United Arab Emirates, United Kingdom, Venezuela, Vietnam, iyo Zimbabwe.
Faa’iidooyinka ay ardaydu ka heli karaan
Fursadani waxay siinaysaa ardayda fursado badan oo waxbarasho iyo horumar ah:
- Free AI Learning Resources – Qalab iyo casharro bilaash ah oo ay Google bixiso.
- Project Credits – Dhibco (credits) lagu isticmaali karo adeegyada Google Cloud.
- AI Model Building Tools – Fursad lagu dhiso loona tijaabiyo moodooyinka (models) AI.
- Community Access – Helitaanka bulsho caalami ah oo arday iyo khubaro AI ah.
Arinkan ayaa ah tallaabo muhiim ah oo Google ay qaaday si ay u taageerto mustaqbalka dhallinyarada wax baraneysa, gaar ahaan kuwa xiisaynaya teknoolojiyadda casriga ah iyo caqliga macmalka ah (Artificial Intelligence).
Arday kasta oo doonaya inuu helo khibrad dhab ah oo AI ah waa inuu ka faa’iidaystaa fursaddan sanadka ah ee bilaashka ah. Link ga hoose ayaad iska diwaan galin kartaa.
Google AI Pro Plan Trial for Student.